Pingefuchi wentru, dewmakey fill adentun, tulwe mew, trafla raküm mew, ka wüdükakefuy. Tüfa llegi mari kechu konchi Junio küyen mew, kiñe warangka aylla pataka epu mari pura konchi tripantu mew. Mari meli tripantu müten puwül-lu llituy ñi dewmafiel adentun ka mümülkakefuy, feymu tañi epu fütalke che tukueyu Bellas Artes chillkatuwemu, Viña del Mar 1942 konchi tripantu mew. Feychi chillkatun mew doy alü amuy tañi kimün ka adümfiel tüfachi dewman adentun, tañi pu maestro Arturo Gordon, Roko Matjasic ka Enrique Mosella egün tañi kimeletew. Feychi entuy “Maestro de Arte” título.
1953 konchi tripantu mew, Italiano gobierno elueyu ran tañi chillkatumeael Escuela Estatal de Artes cerámica Richard Ginori mew, Florencia, tañi doy amuam ñi kimün widükan küzaw mew. 1954 konchi tripantu mew mülenagpuy Paris, chew ta kelluntukupufi widükanmu Geoge Jouve. Ka tüfachi tripantu mew kimpufi kiñe kurewen Suzanne y George Ramiè, tüfa engu fawpüle pieyu Taller Madoura mew, chew ta ka kimpufi Pablo Picasso. Feychi tripantu mew agosto küyenmu kisu pengeli tañi küdaw La Salle de la Marie en Vallauris mew, chew ta kelluntukueyu P. Picasso tañi peñmangeam ñi küdaw. Fey wüla fey amuy España, Belgica,Paises bajos, Luxemburgo ka Suiza, amuy ñi kimafiel pu Museo ka galería de arte leliwülmefi ka kimefi ta fütake pu maestro tañi küdaw. Wiñotuy Chile mapu 1955 konchi tripantu mew.
Akutulu Chile, mülenagpatuy Concepción wariamu chew ta fentren adentun dewmapatuy, fey pengeltukefi tañi kimngeam, Concepción, Valparaiso ka Santiaw waria mew.
1958 konchi tripantumu kellukoni revista Huachipato mew, ka niepatuy Taller “La cascada” chew tañi kisu ngüniefiel. Ka femuechi koni kiñe trokiñ pu artista mew Corporación Cultural “Artista del Acero” pingelu.
Dewmafi tres Pascuala pingechi mural adentun, Radio simón Bolivar, ka itrotripa Kindergarten, Colegio Alemánmu, Concepción mülechi mural adentun.
1961 konchi tripantu mew concepción municipalidad elueyu kiñe premio, tañi rume falintuñmangemum ñi küdaw.
1964 konchi tripantu mew José Gonzalez Camarena mütrümeyu tañi kellu dewmayafiel “La Cultura es Patrimonio de Todas las razas” pingechi adentun Museo Nacional de Antropologiamu, Chapultepec, Mexico mew. Amuley ñi kiñewün dewman adentun Gonzalez Camarena engu fey dewmayngu Presencia de América Latina pingechi mural, Casa de Arte de la universidad de Concepción mew.
1966 konchi tripantu mew kimeltufengepuy chillkatuwe mu Viña del Mar, Escuela de Bellas Artes ka Universidades Federico Santa María ka Universidad de Chile, Valparaíso.
Museo Nacional de Bellas Artes, Santiago waria mew pengelpuy ñi küdaw 1969 konchi tripantu mew, epe afchi feychi tripantu fawpüle pingey Mexico país, tañi pengelmeam ñi küdaw. Salones de O.P.I.C., Museo de Bellas Artesmu D.F., Museo de Arte Modernomu D.F. 1970 konchitripantu mew amuley ñi pengelün ñi puke adentun, fey Galería de Arte Mexicano mew, Galería de Arte Hemisphere Center, San Antonio, Texas, Estados Unidos ngemey ñi pengelün ñi adentun.
1971 konchi tripantu mew koni ñi pengelael ngülarnaküm dewkechi adentun “Grabados Chilenos” Museo Bellas artes mew Buenos Aires. 1972 konchi tripantu mew, dewmay alün mural Universidad Federico Santa María ka Universidad Católica de Valparaíso mew.
Ape aflu 1975 konchi tripantu koni ñi ngüneafiel escuela de Artes Universidad de concepción. 1978 konchi tripantu mew pengeli ñi puke adentun Museo de Artes Conteporaneo mew. 1979 konchi tripantu mewdewmayfi “Hacia la luz del Conocimiento” pingechi adentun mural, Universidad Federico Santa Mariamu, Talcahuano.
Doy inangechi dewmael chi mural Iglesia Rere mew dewmafi, Yumbel mülechi pichi waria, 1981 konchi tripantu mew, Fiwfiw mapu mew.
Fewla konkülepachi pura mari trokiñ tripantu pepikay tañi trokiñ dewman adentun, “Divertimentos” pingelu, tüfa fey pengelngey diciembre küyenmu. Kisu fey mapungetuy mari kechu konchidiciembre küyen, müñal epe seray ñi pengelngen tañi puke adentun.
