Pietro della Francesca:
Tüfachi wentru ta doy newen witrañpüramfi tañi pu traf pu artista, kom pu wellin chew ñi mülemum ñi dewman adentun, Iglesia san Francisco de Arezzo ka pu museumu rume ayüñmangekey tañi küdaw. Fente küme ad inawentu zewman adentuley ta Pietro della Francesca, tañi lelingeaelmu küme duami reke tañi nge ta che pefilu ñi chumleken trokiwkeyngün. Dewman adentufe fente küme elkefi fillke ad peskintukünukefi reke, Pietro del Francesca rangi Masacio müley Leonardo fey kiñe küme doy falin che reke kom chemu müley.
Fra Angelico: (1387-1466)
Wenu mapu coronatungey chi Virgen, pu ángeles ka pu re kümeke che konpuy chi ayün trawünmu. Chodngey reke ñiange chi puke che,welu doykallfünagküley chi dewman adentun.
Ecole Fiorentina:
Küla admu dewmagey kiñe kuyfi virgen, kurü ükülla, chewaw tukulün ka chodentuley ñi mülemum. Chumkenoluley ñi ad, aymüñ karünagküley ñi llawfeñ ange.
Simone Martin: ( Siena 1285-Avignon 1344)
Cristo yeniey kiñe waria ñi kürus .Chi wariamu fente küme pelonngey, trokiñkeleyey chi pu che kakerumeyey ñi ad egün, chiwaw kelüchod engu, karü ka inapüle koñoll kallfü engu, fente küme adngey cristo ñi tukuluwün. Pichikay tüfachi cuadro.
Antonello de Messina: (1430-1479)
Allfeñuwmaley ñi melfü kiñe weche wentru. Kolüngey tañi ange kelücod engu, kolüngey ñi tukuluwün ka chew tañi mülemum chi adentun.
Leonardo da Vinci: (1452-1519)
San Juan Bautista, ñi ange ka ñi lipang witrañpüramnieel kolü adtuley wente kurü wellinmu. Wente lil mülechi virgen kiñe adngey müten welu pichiken alofküley pelokonkülelu antü reke. Chi virgen ñi tukuwünmu re pichiken kallfünagküley ñi mücham pollera ka pichiken wilüfkaley reke kallfüngelu mew. Kakelu ad fey kolü ka karünagküley reke. Ka müley kiñe ángel kelü tukuluwüntuley, wentemu fey karü tunika tukuniey
Tüfachi adentun wente kolü welliñmu dewküley pelonngelay reke, feymu wirintukuley chi lil.
Wente waria reke müley kallfüke lil wenumu fey chodnagküley reke.
Rafael:
Bella Jardinera pingey tüfachiadentun, chew ñi mülemum virgen jesus engu ka San juan pichikalu. Epurume adtuley tüfachi adentun, miñchemu kolüngey müley tapül ka puke rayen ka feychi adngelu. Kamapuleluley mawidantulechi kallfüke kafülang wigkul, doy kamapu fey pelonngey ñochikechi trawüy kallfü engu chew ñi pültrülelulenmu pichiken tromü. Chi virgen ka pu pichike che ñi ange fey nielay reke chem ad rume.
Kelü ropatuley chi virgen wentemu fey kallfü üküllatuley.
Dures: (1471-1528)
Kiñe dewmakelu adentun tañi ad, müna ayüfali
Fente küme wirikonküley reke.
Cranach: (1472-1553)
Fenus ñi adentun, rume küme wirikonküley, ayüfali lelingenmu. Tañi chumpiru ta doy adüñmanieeyu.
Holbein: (1497-1543)
Doy pefali tañi fillke ad tüfachi dewman adentun
El Greco: (1541-1614)
Tüfachi dewman adentun lladküleluley, San Luis Rey ñi kalül kelütuley. Kürusmu mülechi cristo mufünchikey chi ñi kadünaqkülen
Velasquez: (1599-1660)
Infanta Margarita ñi adentun dewmagey chumuechi zewmay Rubens ñi adentun, Uficcis de Florenciamu mülelu, wirintukungechi fillke admu müten dewküley ñi ad. Chiwawnagkey chi pichi malen ñi ange ka ñi melfü ella kolotuley kolü admu. Ñi chod kal longko wilüfi reke, kadü tuluwüntley. Wente kolü wellinmu dewküley.
Delacroix:
Tüfachi dewman adentunmu wirikonküley fillke admu chew ñi langümkangenmu che, fente küme wirikonküley chi pu che lalelu, kafü admu weñche wirikonküley ka tüfachi ad reyüy reke chi mollfüñ chemu.
Gericault:
Tüfa chi dewma adentufe ka femuchi fente küme wirintukukey fillke admu chem dewman rume. Redeau de la Medusa mew fente küme wirintukuyefi chi pu wentru lalelu wente balsa, tüfchi dewman adentun mew rüf kimfalay reke ñi wirikonkülen engün, rüf ütrüfpüralelu kechiley chi pu la che.
Ingres: (1780-1867)
Odalisca Couchee fente küme poyechekenoluley tañi adentunmu.
Brueghel: (1525-1569)
Katrütripalelu ñi chang chi dewman adentun, rüf fente küme kutrankawküleluley ñi ad chi pu katrütripalelu ñi chang. Wente karü püllü mew anüleygün reke, kadü tukuluwüntuleyngün.
Vermeer: Holandes (1632-1675)
Weñangküleluley ñi ad tüfachi dewman adentun, chi chod ad ka chi kallfü engu kadü ad fente küme pañush wirikonküley.
Franz Hals: (1580-1666)
Fente küme adi lelinmu tüfachi kurü kallfü tukuluwün ñi nieel chi wentru, ka tañi fülang pañu reke wentemu doy kimfalfi chi ad ñi felen, ka ñi ange chi wentru lledküleluley.
Nienolu duam ka rakiduamkülenolu kechiley ñi ad chi wentru. Fente küme kimfali ñi kelü ange chi adentun.
George de la Tour: (1593-1652)
Tüfachi dewma adentufe ñi puke küdaw rume küme pelonngelulekey ñi pu dewman adentun.
