Warangka aylla pataka kechu mari pura konchi tripantu mew llituy ñi kimeltun widün ka dewman adentun küzaw, Feychi tripantumu kiñe tallermu llituy ñi kimetufiel tüfachi küdaw, rume ayükey ñi kimeltulafiel tüfachi adümkawün, Arista de Acero ka en la Cascada mew, Concepción waria kimeltuchey, wechuli tüfachi kimeltun 1965 tripantu mew.
Valparaiso waria mew llituy ñi kimeltuchen universidad mew 1967 konchi tripantu mew Universidad de Chilemu kimeltuchey fey wechuy feychi küzawmu 1976 konchi tripantu mew. Universidad de Santa mariamu fey 1970-1976 trikiñ tripantu mew kimeltuy. Viña del Mar mew fey Bellas Artesmu llituy ñi kimetufiel widükan 1965-1976 trokiñ tripantu.
1976-1984 trokiñ tripantumu kimeltuy chillaktun wirintuku adentun ka dewman adentun Escuela de Artesmu universidad de concepción mew. Newe dituwkelafuy ka duam ñi entueal mülelu tüfachi kimeltun mew, welu kisu rumel pepiluwkefuy chumgechi ñi amuleal kisu tañi dewman adentun, tañi ruka mew, kam chem taller mew rume Escuela de Artes mew.
